Chak moun genyen yon istwa men li toujou bon chak fwa yon istwa enspire lòt moun epi pèmèt yo pran bòn desizyon ki chanje lavi yo ak lavi sila ki nan antouraj yo tou.

Mwen se Noe Appolon, Ekonomis, etidyan an Marketing Dijital. Mwen te kite Ayiti an 2017 poum' te antre Chili nan objektif poum' te kapab kontinye etidye epi travay an menm tan poum' te kapab chanje sitiyasyon ekonomik mwen. Lèm' te rive Chili, bagay yo pat fasil, mwen pat' kapab kontinye etid mwen malgre kèk inivèsite te prè pou resevwam' men malerezman sistèm travay lan pat banm chans pou sa .

Mw te kontinye ap travay paskem' pat genyen lòt chwa. Se vre yo di travay se libète men li genyen 2 sans ( pwòp ak figire). Li te genyen sans figire pou mwen paskem' reyalize depi ou se yon salarye ki depan de yon antrepriz, chak maten ou oblije leve menm siw' fatige, menm siw' ta genyen doulè, ou oblije ale paskew' pa ta renmen yo revokew' siw' ta chwazi ap rate jou chak fwa kòw' pa ok. Donk, nan sans sa-a mwen pale de libète nan sans figire.

Genyen yon lòt kategori moun ki chita lakay yo, yo kapab ale nan pisin lè yo vle, yo dòmi kantite tan yo vle, yo vwayaje lè yo vle, ale nan gym lè yo vle, ale nan restoran nenpòt lè san sa pa afekte travay yo epi malgre sa yo genyen yon revni mansyèl ki pa limite. Wi, se lè sa-a nou kapab pale de libète nan sans pwòp.

Ebyen, siw' fè menm analiz sa yo, kisaw' konte fè pouw' chanje kondisyon wap tavay la pouw' kapab jwenn yon libète finansyè? Pa dim' ou pa konnen si nou nan "ère digitale" kote entènèt bay posibilite pouw' travay pi senp, pi fasil epi genyen yon revni mansyèl ki pa limite. Mwen pap doute poum' diw' pa konnen avantaj sa yo ke entènèt la ofri nou malgre anpil fwa nou souvan di nou pa genyen tan oubyen nou di nou pa genyen talan pandansetan nou toujou aktif sou entènèt la n'ap kontribye nan siksè lòt moun san rann kont. Pafwa anpil nan moun w'ap swiv yo ou konn genyen plis talan pase yo men ou pa janm kapab dekouvri sa akoz ou pa janm deside kòmanse menm jan yo menm yo te kòmanse yon jou tankou jodi-a.

Avan mwen fini, pa dim' ou pa okouran de kèk Tiktoker ki milyonè nan mwens ke 2 ane akoz yo pran tan + atansyon plizyè milyon moun nan mond lan ki koz yo milyonè. Se vre ou genyen dwa pa kapab fè menm jan ak yo ni menm jan ak anpil lòt moun ankò ki fè siksè gras ak opòtinite entènèt la ofri yo men siw' pa janm eseye ou pap janm dekouvri kapasitew' pouw' ta eksplatel' pouw' fè siksè.

Zanmim', mwen vin reyalize sèl mwayen pou nou genyen libète finansyè nou fòk nou chanje mantalite nou pou nou kòmanse chèche mwayen pou nou genyen plizyè sous revni. Se nan objektif sa-a mwen t'ap chèche konnen ki lòt pwosesis mwen dwe antame, se konsa mwen te tonbe sou yon Akademi ki genyen yon fòmasyon 100% pratik ak yon metòd enfayib ki fèm' kòmanse bay bon rezilta.

Zanmim', chanjman w'ap chèche-a depann de ou. Pa bliye, siw' bezwen yon lòt rezilta ou dwe aplike lòt pwosesis. Mèsi!"